Category Archives: მე მიყვარს…

მხედვარი და გამოგონილი ურჩხულები


witcher_monsters_cover– გერალტ, მაგრამ ურჩხულები ხომ ნამდვილად არსებობენ? შესაძლოა, იმდენნი აღარ არიან, რამდენიც უწინ და ყოველი ხის უკან აღარ არიან ჩასაფრებულნი, მაგრამ ნამდვილად არსებობენ. მაშ, როგორ გგონია, რატომღა იგონებენ ადამიანები მათ არსებობას? რაც მთავარია, თავიანთი გამონაგონისა თვითონვე სჯერათ. აბა, სახელგანთქმულო მხედვარო, რას მეტყვი? არ გიფიქრია, რატომ არის ასე?
– მიფიქრია, სახელოვანო პოეტო, და ისიც ვიცი, რატომაც იგონებენ. ადამიანებს უყვართ ურჩხულებსა და ურჩხულების მსგავს ქმნილებებზე ამბების შეთხზვა, რადგან მათ ფონზე თავად ნაკლები ურჩხულები ჩანან. როცა ადამიანები გონების დაკარგვამდე თვრებიან, ცრუობენ, იპარავენ, ცოლებს სცემენ, მოხუცებს აშიმშილებენ, ხაფანგში გაბმულ მელას ნაჯახით კლავენ და უკანასკნელ რკოს ისრით ძირს აგდებენ, სიამოვნებთ იმის გაფიქრება, რომ ალიონზე მათ ქოხში შემოპარული ბეინი მათზე უარესი ურჩხულია. თავს უკეთ გრძნობენ და ცხოვრებაც უფრო ეადვილებათ.
– დავიმახსოვრებ. – ჩაილაპარაკა ბაბუაწვერამ და ერთხანს იყუჩა. – რითმას ვუპოვი და ამაზე ბალადას შევთხზავ.
– ეგრე ქენი, მაგრამ დიდი ოვაციების იმედი ნუ გექნება.

ანჯეი საპკოვსკი, “მხედვარი: უკანასკნელი სურვილი” – წიგნის არაჩვეულრბრივი თარგმანი გამომცემლობისაგან “წიგნები ბათუმში“. ხელმისაწვდომია ბეჭდილი ან ელექტრონული წიგნის სახით საბას საიტზე.

witcher_monsters_quote

Life is Strange – სპარსეთის თინეიჯერი პრინცესა


გუშინ დილით დავინახე, რომ Steam-ზე იყო დიდი ფასდაკლება თამაშზე Life Is Strange, მისი MacOS-სა და Linux-ზე გამოსვლასთან დაკავშირებით! ფასდაკლების გარდა, აღმოჩნდა რომ პირველი ეპიზოდი (ხუთიდან) სრულიად უფასოა!

life_header

უპირველეს ყოვლისა უნდა აღვნიშნო, რომ პირველი ეპიზოდის გამოსვლიდან თითქმის ორი წლის შემდეგ, თამაშსა და ძრავზე მუშაობა ისევ გრძელდება! ამას ჰქვია მხარდაჭერა.

“ცხოვრება უცნაურია”

პირველი ეპიზოდი დავხურე დაყენებისთანავე. ამისთვის დამჭირდრა ~2 საათი.  როგორი ორი საათი! სათავგადასავლო point-n-click ინტერაქტიული ამბავი გვიყვება 18 წლის გოგონას ცხოვრების შესახებ. მაქსი 12-ე კლასშია, დადის კერძო სკოლაში. უყვარს მუსიკა, უცნაური კინოები და – ყველაზე ძლიერ – მას იტაცებს ფოტოგრაფია.  ერთ მშვენიერ დღეს მაქსი აღმოაჩენს, რომ მას შეუძლია დროის უკან გადახვევა. სპარსეთს პრინცესა, ეს ჩვენი!

Continue reading Life is Strange – სპარსეთის თინეიჯერი პრინცესა

სვინგ ცეკვა კალიფორნიაში


რამოდენიმე ვიდეო და სურათი ბოლო დროს ჩატარებული ცეკვებიდან ❤

1-ლი აპრილი, For Dancers Only არდაბადების დღე:

7 აპრილი, 9:20 ცეკვა სან ფრანცისკოში:

ხალხო, მოდით ვიცეკვოთ! 🙂

 

სვინგ ცეკვა სენტ ლუისში


სვინგ ცეკვა, ჩემი ახალი სიყვარული ❤ კერძოდ კი, Lindy Hop და East Coast.

ახლახანს ვიყავი არაჩვეულებრივ საცეკვაო საღამოზე, West End Stomp, St. Louis-ში. საღამოს 8 საათზე დაიწყო ერთსაათიანი გაკვეთილი დამწყებთათვის – გვასწავლეს ორიოდე მოძრაობა, რომლით შეგვეძლო წყვილებში ცეკვა. მერე კი შუაღამემდე ვცეკვავდით… რა აღმაფრთოვანებელი ყოფილა ცეკვა! ❤ როცა საცეკვაო მოედანზე ხარ და პარტნიორი მოგყვება, თქვენს შორის რაღაც ამოუხსნელი კავშირია, ერთმანეთის უსიტყვოდ გესმით და მოძრაობაში ერთმანეთს ავსებთ – აი ბედნიერება! ❤

west_end_stomp.jpg

 

გარშემო ორმოცდაათი ადამიანია და ყველა იღიმის, ბედნიერებას ასხივებს! ძალაუნებურად შენც იღიმი და ივიწყებ ყველა დარდს – ახლა ცეკვის დროა ❤ რამოდენიმე ვიდეო გადავღე… მთალადაც კარგი არ გამოვიდა, მაგრამ ეს უნდა ვიკმარო სანამ Go Pro-ს არ ვიყიდი.

სვინგ მუსიკის კრებული


სვინგ სვინგ სვინგ! სახალისო კრებულია, მოიცავს როგორც კალსიკურ, ისე ელექტრო სვინგს. ყოველთვის კარგ ხასიათზე მაყენებს 🙂

საუკეთესო საჩუქარი წიგნია?


საინტერესოა, რომ ეს ფრაზა არ ბერდება ციფრული ტექნოლოგიების საუკუნეში.
საახალწლო საჩუქარი წელს ადრე მომივიდა – თოვლის ბაბუამ ორი წიგნი მომიტანა:
არტურ კონან-დოილის, “შერლოკ ხოლმსის თავგადასავლების” სრული კრებული და ჰოვარდ ლავკრაფტის ნაწარმოებათა სრული კრებული, ორიგინალში!!

image

ორივე წიგნი ტყავის ყდაშია და ულამაზესადაა გაფორმებული. მმმ.
არ ვიცოდი, რომ შერლოკ ჰოლმსის შესახებ 60 (სამოცი!) ნაწარმოები არის.  ბავშვობიდან ათიოდე თუ მახსოვდა. ახლა ორიგინალში უნდა წავიკითხო – კონან დოილი არაჩვეულებრივად ცოცხალი ენით წერდა!!  ა- ია კტულჰუ ფათაგნ…
ლავკრაფთი კი – მეოცე საუკუნის საშინელებათა ჟანრის მეფე – ცოტა რთული ენით წერს, ბევრი ახალი და იშვიათი სიტყვა მხვდება… What else can a man wish for?

სათამაშო კონტროლერი Logitech F710


როგორც იქნა ვეღირსე ამის ჩამოსვლას!

image

Logitech F710 არის ერთ-ერთი საუკეთესო სათამაშო კონტროლერი! უსადენო, კომფორტული და მსუბუქი 🙂
აქვს როგორც DirectInput ისე XInput ტექნოლოგიების მხარდაჭერა, შეუძლია გადართვა ერთი ღილაკის დაჭერით. მუშაობს თითქმის ყველა თამაშზე!! 😄
რომ მოვიდა, ორი კარგი დურასელი ბატარეა მოყვა და ციცქნა უსბ ბლუთუს მოწყობილობა, შევაერთე თუ არა – ამუშავდა ზედმეტი ჩალიჩის გარეშე!

წინ დიდი გეგმები მაქვს, ბევრი საინტერესო თამაში: Spelunky, FEZ, Two Brothers, Transistor, Mortal Kombat, Injustice, Burnout, Lethal League და ასობით სხვა თამაში, რომელიც ჯოისტიკით ითამაშება (Super Meat Boy-ს თავი გავანებოთ) 🙂
სერიალების ყურებას არ მირჩევნია?!?!