Gnome პანელის AWN-ით ჩანაცვლება


რატომ შეიძლება გახდეს ეს მოქმედება? ჩემ შემთხვევაში, სისტემაში ჩავაყენე Avant Window Navigator სასინჯი ვერსია (რეპოზიტორიიდან ppa:awn-testing/ppa), ასევე, სისტემას გავუკეთე გაუმჯობესება ვერსიამდე Maverick Meerkat 10.10 (ალფა 3 საფეხურზე)…

AWN-ის ახალ ვერსიაში გაჩნდა რამდენიმე პანელის გაჩენის შესაძლებლობა, გარსის ძალიან მაგარი ახალი სახეობა(Lucido), დამხმარე ჩანართები, დამატებითი აპლეტები და ა.შ. ყველაფერი მოვარგე ჩემს გემოზე და გამომივიდა შემდეგი რამ:

ესეიგი, დამჭირდა ჯუჯის(gnome) პანელის მოშორება… კიარადა… პანელის ქონაში ვეღარ ვხედავდი საჭიროებას… ანუ, პანელისათვის უნდა მეტირებინა ყოფა… 😀

უბუნტუში, ნაგულისხმევად უნდა გქონდეს მინიმუმ 1 პანელი. სხვა დანარჩენს კინჩხი-კისერი უტეხია… კი, შესაძლებელია დავმალო პანელი, ან ავტო-დამალვით შემოვიფარგლო… მაგრამ ის ტყუილად ხომ არ მექნება? რესურსებს შემიჭამს, ხელს შემიშლის, ამომიხტება როცა არ მჭირდება და ა.შ.

ესეიგი, ინტერნეტში მოვძებნე გადაწყვეტილება. ვთიშავთ ჯუჯის ბოლო პანელს(ყველა დანარჩენის ჩათვლით):

  • Alt+F2, ჩავწერთ gconf-editor
  • გავშლით საქაღალდეებს: desktop-> gnome-> session-> required_components
  • ვირჩევთ required_components საქაღალდეს, მარჯვენა მხარეს ორჯერ ვაწკაპებთ panel ჩანაწერის გასწვრივ წარწერაზე. ჩავსვამთ avant-window-navigator.
გავდივართ ანგარიშიდან და ვბრუნდებით. პანელი აღარ არის 🙂
P.S.(თუ გვინდა დავაბრუნოთ პანელი, ჩავწეროთ gnome-panel წარერა “panel”-ის გასწვრივ, required_components საქაღალდეში… 😉 )
Advertisements

Gnome პანელების საწყისზე ჩამოყრა


გამიტრაკა რამდენიმე დღის წინ პანელმა… აპლეტებმა გააფრინეს, მენიუ მაგინებდა… ვიფიქრე: “რა ვუყო ახლა?”

Gnome პანელი საწყისზე იყო ჩამოსაყრელი… დავგუგლე და ერთ-ერთ საიტზე ვნახე ამის რეცეპტი(ყველგან, სადაც დაინახავთ გრძელ ტირეს –, იქ უნდა ეწეროს ორი მინუსი… რატომღაც,საიტი არ აჩვენებს ამას მართებულად):

1. გახსენით ტერმინალი (ცხელი ღილაკია Ctrl+Alt+T)
2. შეიყვანეთ ბრძანება:
gconftool –recursive-unset /apps/panel
აქ ვთიშავთ პანელებს.
თუ ამ მეთოდმა არ იმოქმედა, სცადეთ ბრძანება gconftool-2  –shutdown
3. ვშლით პარამეტრების შემცველ ფაილს:
rm -rf ~/.gconf/apps/panel
4. ვთიშავთ Gnome პანელებს, რათა ისინი ხელახლა გაიშვას საწყისი პარამეტრებით:
pkill gnome-panel
5. გადავტვირთავთ სისტემას. ვუალა! 😉
პანელი ახალივითაა! 🙂

Tales of Mere Existence, ანუ “ჩემი არსებობის ამბები”


ჩემი ნამდვილად არაა 🙂 “ჩემი არსებობის ამბები”…საკმაოდ თავისუფალი თარგმანია… ჩემი ნება არაა, რას დავწერ? მთავარია შინაარსი!

გინახიათ ხოლმე, ისეთი ვიდეო, ან მულტფილმი, ან ჩანაწერი ბლოგზე, რომელშიც თქვენი აზრი რომელიმე თემაზე სრულადაა გადმოცემული? ან უბრალოდ, ძალიან გაგონებთ ეპიზოდს თქვენი ცხოვრებიდან? ან უბრალოდ, ხედავთ რაღაცას ძალიან უბრალო, მაგრამ საინტერესოს, საყვარელს, სასაცილოს, გასაკვირსა და კარგ ხასიათზე საოცრად და მოულოდნელად დამყენებელ რამეს? თუ კი, ძალიან მიხარია თქვენთვის… თუ არა – აუცილებლად ნახავთ! შეიძლება ამ პოსტში ან ბლოგზეც მოიძებნოს ასეთი რამ 😉

დღეს საუბარი წავა YouTube-ზე გაჩითულ დახატულ ვიდეოებზე. ესენი არიან ლევნი [AgentXPQ] ილმაზის (Levni Yilmaz) პატარა “მემუარები”, ორიგინალური ანექდოტები, ცხოვრების მოგონებები, მოსაზრებები და უბრალოდ ყოველდღიური სურვილები, აზრები… ვითომაც დიდი არაფერი, არა? 🙂

პირველი შეხედვით მართლაც – დიდი არაფერი, მაგრამ ორი-სამი-სამი….შვიდი-რვა(?!) :გოგი: ვიდეოს მერე აღარ შეგიძლია გაჩერდე, რადგან ასეთი ძალზედ საინტერესო და ჩამთრევი ვიდეოები იშვიათობაა! ნამდვილი დეფიციტია… კარგია, რომ იუთუბი არსებობს, რადგან მაგის წყალობით რიგში დგომა არ მოგვიწევს! 🙂

მაგალითად, “ტიპიური დიალოგი დედაჩემთან”:

გეგონება, ვიდეო გრძელდება სულ რაღაც საწყალი 2:13… მაგრამ რა 2 წუთი! გამახსენდა ახალგასული ბავშვობა, დედა, მისი დარიგებები და ა.შ… თბილი მოგონებანი ისევ გაიღვიძნენ გულსა და სულში… დახარჯეთ 133 წამი დამიიღეთ კარგი განწყობა მთელი დღის განმაბლობაში! მე ასე ვარ 🙂

ასეთივე კომენტარი შეიძლება გამოვიყენოთ ლევის ყველა 36 ვიდეოზე!

ლევის ვიდეოების ტოპ-ხუთეული(must-watch):

Continue reading Tales of Mere Existence, ანუ “ჩემი არსებობის ამბები”

TBC ინტერნეტ ბანკი ლინუქსისთვის


რათა გამოიყენოთ ეს მომსახურეობა უბუნტუ ლინუქსზე(მე ვიყენებ 64 ბიტიან 10.04 Lucid Lynx-ს), უნდა გამოიყენოთ ბრაუზერი Mozilla Firefox ვერსიით 3.5
ახალი არაფრად არ მიდის ანგარიშის მთავარი გვერდის იქეთ…
ვიწერთ შესაბამისი ენით ძველ მელაკუდას აქედან:
მერე ტერმინალში
cd ~/Downloads
cp -R ~/.mozilla ~/.mozillabackup
sudo tar -C /opt -jxvf firefox-3*.tar.bz2
sudo mv /opt/firefox/plugins /opt/firefox/plugins.old
sudo ln -s /usr/lib/mozilla/plugins /opt/firefox/plugins
sudo dpkg-divert –divert /usr/bin/firefox.ubuntu –rename /usr/bin/firefox
sudo ln -s /opt/firefox/firefox /usr/bin/firefox
ნუ, ვინახავთ მიმდინარე მელაკუდას ვერსია ~/.mozillabackup საქაღალდეში, ამოგვაქვს ფაილები ჩამოტვირთული არქივიდან, ვანაწილებთ ფაილებს და ვქმნით გამშვებებს… 😉
ვუალა, ახლა შეგიძლიათ უპრობლემოდ გამოიყენოთ TBC ანგარიში – ჩარიცხოთ ტელეფონზე, გადაიხადოთ გადასახედები და ა.შ.
მე პირადად, ვთვლი, რომ ეს ძალიან აიოლებს ადამიანის ცხოვრებას და ყოველთვის ვხმარობ iBankს!

Spotify საქართველოში…


Spotify არის ძალიან მოსახერხებელი მუსიკის მოსმენის, გაცნობის და შეძენის სერვისი. ანალოგები: Last.Fm, Pandora, MySpace Music და სხვა.

შესაძლებლობები:

  • წვდომა მუსიკის უზარმაზარი ბაზითვის – ყველა სტილი, ყველა დრო!
  • კომპოზიციების მოსმენა მათ გადმოუწერელად;
  • დაკვრის სიების შედგენა;
  • სასიამოვნო მუსიკის ძიება;
  • საყვარელი მუსიკის გაზიარება;
  • უმაღლესი შეფასების მქონე კომპოზიციების გაცნობა;
  • ავოტრების ბიო/დისკოგრაფიები;
  • მუსიკის შეძენა;
  • ნებისმიერ ადგილას მოსმენა – დაწყებული კომპიუტერით: Mac, Windows, Linux(ბეტა მხოლოდ პრემიუმის მომხმარებლებისთვის), დამთავრებული ტელეფონით: Symbian, Android, iPhone!
  • მუსიკის მოსმენა Offline რეჟიმში(Premium მომხმარებლებისთვის)
  • შემსრულებლების რადიო(მსგავსი შემსრულებლებისთვის მოსმენა)

Spotify ოფიციალურად ხელმისაწვდომია მხოლოდ 7 ქვეყანაში: დიდი ბრიტანეთი, ფინეთი, საფრანგეთი, ნორვეგია, ჰოლანდია, ესპანეთი და შვედეთი. ამისთვის არის რამდენიმე მიზეზი: სერვერის ბევრ ქვეყანაში უქონლობა, საავტორო უფლებებთან დაკავშირებული შეფერხებები, საქართველოში და სხვა ქვეყნებში რეალური ბაზრის არაარსებობა.

არსებობს Spotify-ს მომხმარებლის 4 დონე: პრემიუმი, შეუზღუდავი, უფასო და ღია.

  • Open [ღია] – შესაძლებელია – თვეში 20 საათის განმავლობაში უფასოდ უსმინოთ საყვარელ მუსიკას, დაალაგოთ საკუთარი მუსიკის კოლექციცა(კომპიუტერზე), დაუკავშიროთ ანგარიში სოციალურ სერვისევს, როგორიცაა Twitter ან Facebook, საზღვარგარეთ ყოფნისას, გამოიყენოთ სერვიცი 14 დღის განმავლობაში(საზღვარგარეთ კი ვითვლები, მაგრამ ჯერ არაფერი უთქვამს…). რამდენიმე კომპოზიციის შორის მოგიწევთ მოკლე სარეკლამო ჩანაწერის მოსმენა. ჩემთან ხდება 4-6 კომპოზიციაში ერთხელ.
  • Free [უფასო] – ზემოთხსენებულის გარდამოსმენის დრო შეუზღუდავია, ემატება მუსიკის მოსმენა რადიო რეჟიმში(ვირჩევთ წლებსა და სტილებს და ჩაგვირთავენ შემთხვევით შემსრულებელს)
  • Unlimited [შეუზღუდავი] – £4.99 თვეში – ზემოთხსენებულის გარდაითიშება რეკლამები, შეუზღუდავი მოხმარება საზღვარგარეთიდან.
  • Premium [პრემიუმი] – £9.99 თვეში – ზემოთხსენებულის გარდა – მობილურზე მყოფი ფაილების დაკვრა, მობილურის ვერსიის გამოყენების შესაძლებლობა, მუსიკის მოსმენა ინტერნეტის გარეშე[offline mode], ასეთივე რეჟიმი თქვენს მობილურზე, ხმის მაღალი ხარისხი(მგონი 320 kbps) და ექსკლუზიური შიგთავსი. ბოლოში რა იგულისხმება, მე ბოლომდე დარწმუნებული არ ვარ 🙂

ყველაფრის მიუხედავად, ფრიად შესაძლებელია(თუმცა, მეეჭვება რომ ლეგალური იყოს!), რომ დაარეგისტრიროთ ის უპრობლემოდ, პროქსის მეშვეობით:

  1. ვეძებთ UK (United Kingdom) პროქსის. მე გამოვიყენე http://www.webkh.info/ ; შეგიძლიათ, Google-სა ან proxy.org-ის მეშვეობით მოძებნოთ ასობით სხვადასხვა პროქსი.
  2. პროქსის მეშვეობით შევდივართ აქ: https://www.spotify.com/en/get-started/ და გადავდივართ რეგისტრაციის გვერდზე;
  3. რეგისტრაციის დროს, მიუთითეთ ქვეყანა United Kingdom და საფოსტი კოდი LS18 5AZ (ან დაგუგლეთ, ბევრი იშოვება). ვიმახსოვრებთ, რა შევიყვანეთ ლოგინსა და პაროლში.
  4. პროქსის გარეშე, ჩვეულებრივ, შევდივართ და ვიწერთ სასურველ კლიენტს: https://www.spotify.com/int/download/
  5. ვიწერთ სასურველს და ვაყენებთ. გაშვებისას ვიყენებთ რეგისტრაციის დროს არჩეულ პაროლს.
  6. ვუსმენთ მუსიკას! 🙂

ყველასთან დიდი თხოვნა მექნება, აქტიურად გამოიყენეთ ეს სერვისი! მე, მაგალითად, ვაპირებ გადავიხადო ეს საწყალი £4.99, ან £9.99 თვეში. 🙂 სერვისი ნამდვილად ღირსია იმ მიზერული თანხისა, რომელსაც ითხოვენ!

ეგება საქართველოშიც შემოვიდეს 😀

წარმატებები ახალი ოკეანეს სივრცეში! 😉

– გ.

P.S.(თუ გამოგადგებათ, Spotify-ს მიმოხილვა ინგლისურ ენაზე: )

დღეს გარეთ გავედი…


და რა? ბევრი ვისაუბრეთ.

რაზე:

  • იმაზე, თუ რამდენად გარყვნილი და გაუნათლებელია ქართული საზოგადოება.
  • იმაზე, რომ ტელევიზია, თუნდაც სახელმწიფო, მაინც შოუ-ბიზნესია და ხალხი მაგას უყურებს იმიტომ, რომ საშუალო მომხმარებელს უნდა მისი ყურება.
  • იმაზე, რომ საყურებელი სხვა არც არაფერი არის და რომც იყოს, არ ვიცით უყურებდა ხალხი მაგას თუ არა?
  • იმაზე, არის თუ არა თანამედროვე ქართველი მამაკაცი ზარმაცი?
  • იმაზე, რომ ქართველმა ხალხმა დაკარგა სმის კულტურა. მართლაც. საერთოდ. საშინელებაა. როდის იყო, რომ ქართველი სვამდა უბრალო დათრობის მიზნით?
  • იმაზე, რომ საქართველოში ძალიან ვითარებაა სექსუალურ განათლებაში – ყველა მხოლო ბაზრობს იმაზე, თუ “როგორ ჯიგრულად შე**დო იმ მაგარ ნაშას”, ხოლო პირველკურსელები(და არამარტო) ორსულდებიან, ვითომაც პრეზერვატივი არ არსებობს…
  • იმაზე, რომ ბევრი სახელმწიფო ტელევიზია, რადიო, უნივერსიტეტები და ა.შ. ნერგავენ და უწევენ პოპულარიზაციას არამართლმადიდებულ წესებსა და იდეებს. შეიძლება არა პირდაპირ, მაგრამ აჩვენებს, რომ ეგ სრულიად ნორმალურია…

ვიკამათეთ… ვაგრძელებთ! 🙂

  • ქვა ქვაზე არ დავტოვეთ, წყალს გავატანეთ ქართველების მანქანის ტარების ჩვევები. რა წესია, შუქნიშანის წინ “ზებრაზე” დადგომა? ღვედები? არსებობს მითი, რომ ქუთაისი ფაბრიკები, თურმე, თავის დროზე უშვებდნენ მაისურებს ზედ დახატული ღვედებით? თითქოს შეკრული იყოსო 🙂 რა წესია? თავის თავს არ ვიცავთ მაგ ღვედებით?… ვერ ვხვდები, რა სჭირს ამ ჩვენ ხალხს… იმდენად ეზარებათ ღვედის გაკეთება, რომ ეს სიცოცხლის ფასად უღირთ?
  • ასევე, ცუნამის გავატანეთ თბილისში დადგმული.. კჰმ… ‘ფალოსი’, პროჟეკტორით ზედ… რა ფული დაიხარჯა! ხოლო, ესტეთიკური მნიშვნელობა – რიცხვი, უსასრულოდ ახლო ნულთან…
  • შევთანხმით, რომ ყველა ტოკ-შოუს წამყვანი უბრალოდ ართობს ხალხს და ყველა საცემია.
  • შევთანხმდით, რომ ქრისტიან მშობლებთა კავშირიც საცემია. ეს ხალხი იმაზე მეტად შეურაცჰყოფს ჩვენს ეკლესიას, ვიდრე ერეკლე დეისაძეს “საიდუმლო სირობა”. მე პირადად არ წამიკითხავს, მაგრამ ხალხის ცემა-ტყეპა გამოსავალი არ არის! ეკლესიის განუკითხაობის და ყოველშემძლების დრო დიდი ხანია გავიდა. ასე არ შეიძლება. იმ ხალხზე, ვისი რწმენაც ძლიერია, არასოდეს არ იქონიებს გავლენას არც “საიდუმლო სირობა” და არც მისი პრეზენტაცია სახელმწიფო უნივერსიტეტში. არც სატანისტური ფილმების ყურება და არც კი იაღოველთან ურთიერთობა. თუ რწმენა არ არის(ის კი, სამწუხაროდ, თითქმის დაილია…) – ადამიანი რაც არ უნდა ატარო ეკლესიაში და შეაშინო “მარადიული ალით”, არაფერიც არ ეშველება მაგ საწყალს…

მოკლედ, ძალიან პროდუქტიული საღამო იყო! მოიწია ბევრი სიგარეტი, მონაყოლი იყო ბევრი სასაცილო ისტორია უნივერსიტეტსა და სკოლიდან, ბევრი ვიკამატეთ…

ყოველ შემთხვევაში, დასკვნა ასეთია: რეფორმები, პირველ რიგში, უნდა მოხდეს ქართველ ხალხში. უნდა შეიცვალოს მისი მენტალიტეტი. მსოფმხედველობა. თუ ეს არ მოხდა, სახელმწიფო კარგს ვერც ვერაფერს მიაღწევს.

– გ.

Рождение Сверхновой


დგება დრო ადამიანის ცხოვრებაში, როცა ის ხვდება მარტივ ჭეშმარიტებას: აღარაფერი იქნება ისე, როგორც იყო ადრე.

ყველაფერი შეიცვალა. ძველმა მეგობრებმა ჩაგაბარეს წარსულს, კომპიუტერული თამაშები აღარ(თუ ვეღარ) განიჭებენ ადრიდნელ სიამოვნებას… დალევა? – დალევამაც დაკარგა მუღამი… ანუ… ვეღარ ერთობი? ალბათ…

ჰმ… ვითომაც არაფერი შეცვლილა, ისევ ისეა ცხოვრება… სახლი, ოჯახი, შეყვარებული, უნივერსიტეტი, კომპიუტერი, ძაღლი, კატა, მიგდებული ტელეფონი… ყველაფერი მიყუჩებულია სიცხისაგან. იწვის ქალაქი, იხარშება ოფლში და გულის ამრევი სუნი ასდის…

არც არაფერი გინდა, არც არაფერს აკეთებ. არც წიგნი, არც თამაში, არც ვარჯიში, არც ეზოში ბალახის დათხრა.

რა დარჩა? – ჩიბუხი. ცივი წყალი. ღამის ქალაქი. ძილი შუადღემდე… მერე ჭამა. ისევ ჩიბუხი. სიგარეტი ვიყიდო? ისევ ღამე მოვა. ისევ დავტკბები მარტო ყოფნითა და სიმშვიდით.

* * *

შავ ცაზე უთვალავი ვარსკლავია… უსასრულო სივრცე. ცარიელი. ცივი. ბნელი. მკვდარი.

ერთი პაწუა ზეახალი ვარსკლავის გაჩენა მთელი მსოფლიოსთვის ძალიან მნიშვნელოვანი მოვლენაა! არც თუ დიდი ხნის წინ, ასე გავჩნდით ჩვენც – დედამიწა. აზრი? – ჯერ არ ვიცით.

* * *

…დავბრუნდი ბლოგზე! 😉

cd /home/dracid/

%d bloggers like this: