Tag Archives: ელექტრონიკა

მართვის სისტემები – პროპელერიანი ხელი


MIT ინტერნეტ-თაობის განათლების სისტემაში edX.org ხელმისაწვდომი გახდა საინტერესო კურსი: Introduction to Control System Design – A First Look, რაც ნიშნავს “შესავალი მართვის სისტემებში – პირველი დანახვა“. ზოგიერთს შეიძლება სულაც სასაცილოდ მიაჩნდეს – ყველაფერი მარტივ დონეზეა ახსნილი და ბევრ მომზადებას არ მოითხოვს.

საქმე იმაში არაა, რომ ეს კურსი ზედაპირულად ეხება მართვის სისტემებს. არა – მოცემული კურსი არაჩვეულებრივია იმიტომ, რომ ის ძირითადად ლაბორატორიულია (ანუ, პრაქტიკაზე ორიენტირებული)!! მე განსაკუთრებით გამიხარდა ამ კურსის აღმოჩენა: პრინციპში თსუ-შიც გავიარე მართვის სისტემები (ბაკალავრიატი), MS&T-შიც გავიარე ციფრული მართვის სისტემები(მაგისტრატურის ნაწილი). ყველგან გავიარე მათემათიკა და დიაგრამები. ფორმულებში სულის ჩაბერვა კი დაავიწყდათ ორივეგან… ახლა მე შანსი მომეცა 🙂

Continue reading მართვის სისტემები – პროპელერიანი ხელი

Advertisements

როგორ გამოვიყენოთ ძაბვის მარეგულირებელი?


ძაბვის მარეგულირებლების (voltage regulator) მოხმარების გაკვეთილი. ქართული სუბტიტრებით. მის ფარგლებში ისწავლით მარეგულირებლების შერჩევას, ჩართვას და ტელეფონის USB დამტენის აწყობას:

დიდი მადლობა afrotechmods ამ გაკვეთილისთვის! დაუჭირე მხარე გაკვეთილის ავტორს საიტზე Patreon!

გთხოვთ დამიკავშირდეთ თუ იპოვით შეცდომას ან გაქვთ რაიმე შენიშვნები და შემოთავაზებები!

არდუინო დაფების ოჯახის მიმოხილვა


ახლახანს დავწერე პატარა შესავალი არდუინოს საშემუშავებლო სისტემისთვის. ამჯერად კი მსურს დავწერო არდუინო მიკროკონტროლერებისა და დაფების მრავალფეროვანი ოჯახის შესახებ.

არდუინოს "მამა" - დაფა, რომელმაც მოუტანა არდუინოს დიდი პოპულარობა
არდუინოს “მამა” – Arduino Uno – დაფა, რომელმაც მოუტანა არდუინოს დიდი პოპულარობა

არდუინოს ოჯახში ყველა წევრს სხვადასხვა როლი აქვს. მოდელი Uno არის ზოგადი გამოყენების და იდეალური ნებისმიერ დამწყებისათვის. Ethernet მოდელი ტრაბახობს ადგილობრივი ქსელისა (LAN) და ინტერნეტის შესაძლებლობით (მაგრამ არ გააჩნია USB).

Continue reading არდუინო დაფების ოჯახის მიმოხილვა

გამაძლიერებლის კვლევა ვექტორული მაანალიზებლის (VNA) მეშვეობით


დიდი ფირმები ხშირად ამზადებენ საგანმანათლებლო/საინჟინრო მასალას, დოკუმენტისა თუ ვიდეოს ფორმით (webinar – ინტერნეტ სემინარი).

ერთ-ერთი ასეთი არის საზომი მოწყობილობების მწარმოებელი Keysight  Technologies (ძვ. Agilent). ისინი მოგვიყვებიან, თუ როგორ შეიძლება გამოვიყენოთ ქსელის ვექტორული მაანალიზებელი გამაძლიერებლების გარკვეული მახასიათებლების დასადგენად: გაძლიერება, იზოლაცია, 1დბ შეკუმშვის  წერტილი, მესამე რიგის ინტერმოდულაციის პროდუქტი და ა.შ.

რათა იხილოთ ის, ეწვიეთ ამ ვებგვერდს: “Basics of RF Amplifier Test With the Vector Network Analyzer”. აქ მოცემულია როგორც ვიდეო, ისე საკითხავი მასალა; ახსნილია, თუ რა მახასიათებლები იზომება, რისთვის და როგორ.

ძალიან საინტერესოა!

ქსელის ვექტორული მაანალიზებლის შესახებ


agilent-vnaქსელის ვექტორული მაანალიზებელი Vector Network Analyzer (VNA) არის ხელსაწყო, რომლის მეშვეობით იზომება ელექტრული ქსელების მახასიათებლები (network parameters). ელექტრული ქსელი არ ნიშნავს კომპიუტერულ ქსელს (რომლის მეშვეობითაც ახლა ამ საიტზე ხართ შესული 🙂 ) : ის ნიშვნავს რაიმე ელექტრულ წრედს, ან ხელსაწყოს (გამაძლიერებელი, ფილტრი, ანტენა… ა.შ.)

ქსელურ მახასიათებლებში როგორც წესი იგულისხმება გაბნევის მახასიათებლები (Scatter ანუ S-parameters), თუმცა არსებობს მათი ბევრი სახეობა: z-parameters, y-parametersh-parameters, ABCD-parameters. როგორც წესი, იზომება s-პარამეტრები, რათა ისინი კარგად ახასიათებენ ქსელის პორტებს შორის გადაცემასა და არეკვლას სიხშირეთა რაღაც დიაპაზონში.

Continue reading ქსელის ვექტორული მაანალიზებლის შესახებ

დროითი რეფლექტომეტრის მოდელირება (TDR)


თუ გაქვს SPICE-ის ნებისმიერი ვერსია, შეგიძლია შექმნა TDR მოდელი.

ეს პატარა ჩანაწერი ეძღვნება დროით რეფლექტომეტრს, ანუ ინგლისურად TDR (Time Domain Reflectometer). მე არ ვარ მისი ავტორი, უბრალოდ ვთარგმნი. მისი ავტორი არის დოქტორ ერიკ ბოგატინი (Dr.Eric Bogatin), “Signal Integrity – Simplified” ცნობილი წიგნის ავტორი, ინჟინერი, ბიზნესმენი.

ვთარგმნი ამ ჩანაწერს იმის გამო, რომ ქართულ ინტერნეტში არ მოიძებნება ერთი ჩანაწერიც კი, სადაც რეფლექტომეტრია ნახსენები იქნება. თსუ-ში ოთხი წლის განმავლობაში არც კი გამიგია თუ ასეთი რამეები არსებობს. არადა სადაც ახლა ვარ, რამის ყოველდღე გამოიყენონ კვლევაში. 😦

Continue reading დროითი რეფლექტომეტრის მოდელირება (TDR)

მიღწევა კომუნიკაციებში: მუხტკავშირიანი მოწყობილობები [CCD]


წყარო: Wikipedia.Org

ცნობისთვის: CCD შექმნეს უილარდ ბოილ[Willard Boyle] და ჯორჯ სმითმა[George E. Smith], 1969 წელს ლაბორატორიაში AT&T Bell Labs. მოწყობილობამ მოახდინა რევოლუცია ელექტრონულ ინჟინერიაში, რადგან მას ჰქონდა მაღალი წარმადობა, სიზუსტე და, იმდროინდელ მოწყობილობებთან შედარებით, ძალზედ მცირე ზომა. ყველაზე ფართოდ ის გამოყენება შუქმიმღებ მოწყობილობებში(სენსორებში). ვიდეოკამერები, სკანერები, ქსეროქსის მოწყობილობები – უმეტესობა გამოიყენებს CCD მიმღებს(ასევე, არსებობენ სხვა სენსორები, მაგ. CCD-ს მთავარი კონკურენტი – CMOS). მაღალხარისხიან ფოტოაპარატებსა და კამერებში გამოიყენება ე.წ. 3CCD სენსორი, რომელიც პრიზმის მეშვეობით, ყოფს შემავალ სხივებს 3 ფერად. თითოეულ ფერს აღიქვამს ცალკე CCD სენსორი. ამით მიიღწევა გამოსახულების მაღალი სიზუსტე. მეტი ინფორმაციისთვის, ეწვიეთ თავისუფალ ენციკლობედიას Wikipedia.Org->CCD

რასაც იხილავთ ქვემოთმოცემულ ჩანაწერში, არის ჩემი, გიორგი მაღლაკელიძისა, და ჩემი ძვირფასი შეყვარებულის, თამარ მახარაშვილის, თარგმანი ინგლისურიდან. წყაროდ ავიღეთ YouTube-ზე განთავესებული CCD-ს პრეზენტაციის ოფიციალური ვიდეო. ეს არის საკმაოდ თავისუფალი თარგმანი, მართლწერა შემოწმებული არ არის. შესაძლოა, ტექსტში დაშვებულია უზუსტობები. თუ ასეთები აღმოჩნდა, ან თუ გაგიჩნდათ შენიშვნები, დატოვეთ კომენტარი ან დავიკავშირდით ელფოსტის მისამართზე: acidlabz[at]gmail.com

Continue reading მიღწევა კომუნიკაციებში: მუხტკავშირიანი მოწყობილობები [CCD]